وحشتنى

موضوع: وحشتنى الأربعاء يوليو 09, 2008 10:43 pm

وحشتني..
وبُعدي عن عنيك السودْ..
على عيني .
وحشتني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.

وحشتني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبحْ ...
يا عمري...
في يوم مسِّكْ.
أنا بكره اللي جاي ليكِ
أنا يومكْ .
أنا أَمسكْ .
وبعدي عن دفا قلبك بيكويني

وحشتني
بجد بقول وحشتني
وإيه يرضيك يرضيني .
وتفديكِ عيون القلبْ ..
تفديكِ شراييني
وعين ما شافتشْ غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .

وحشتني
ولما في يوم أعود ليكِ
وأحط اديا في إديكِ
وابدأ خطوتي بيكِ ..
وأضمك ضمة المشتاقْ ..
تضمني.
وترويني .
ومين غيرك هيرويني
ومين غيرك هيسقيني
وأنا العطشان و طال بعدي
و قلبك أغلى شيء عندي

موضوع: رد: وحشتنى الأربعاء يوليو 09, 2008 11:12 pm

اجمل من تلك الكلمات لم ارى
واعلى من ذلك الاحساس لم اشعر
فتسلم يداكي التي كتبت تلك الكلمات
تقبلي مروري وردي .