قبلة الحب

قبلة الحب
أنا لي خل ما في القيد مثله
ولا عيني رأت احدا مثاله
فريدا بالحلى وعديم شكله
جميلا يخجل الكل بجماله
أذا ناظر عيونه دعج نجله
واذا تبسم فؤادي طاب حاله
وأذا يهمس بأذني ما أمله
وأذا يسأل وجيها في سؤاله
واذا يمشي كأنه في محله
شبيها بالقمر ليلة كماله
أخذني بنظرته وأنا بغفله
وأنا لازلت في سن الجهاله
ملكني وصار لي في الحب قبله
تبناني وصرت أصغر عياله
عليه أغار من اهلي واهله
وأغار عليه حتى من دلاله
أحبه حب كثر عنتر لعبله
وكثر حب العرب للبرتقاله
تقول لي لو تكون هي بنت دجله
تراني من ربى جنه صلاله
أنا الأحقاف أنا نبعه وأصله
أنا ذاك الجبل فارش ضلاله
كفى مبغى تقارني بعبله
ولا حتى بزمرات الحثاله
حبيبي دائماً يتفاخر بأصله
ومن حقه ترى فخر الأصاله
لأنه ما نخلق في القيد مثله
ولا عيني رأت أحدا مثاله
أنا والله ما أحب حد قبله
ولا بعده ولا أغير بداله
أنا لي خل ما في القيد مثله
ولا عيني رأت أحدا مثاله