سر ياقلم

سر يا قلم
سر ياقلم واكتب تعابيـر مشتـاق
واكتب قوافي من ضميـر كتابـه
واكتب لنا عذب القصايد والاشـواق
وارسل مع الريح الهبوب وسحابـه
لعيون ترفٍ لاجله الروح تنسـاق
لغالي المجمـول ألـفٍ هـلا بـه
قل له سلامك داخـل القلـب خفـاق
يوم أرسله مع شوقه الذي مضى به
أقبل رسوله يحمل الشوق بارفـاق
والقلب مني بالخفوق ألتـوى بـه
ياصاحبي بالحيـل بالحيـل شفّـاق
أشفق على حـب ٍ تجـدد صوابـه
طلّت جبينك كنها شمس الاشـراق
ولاّ كما ضي القمـر فـي نصابـه
وللعين سِحر ٍ أنتشى وسط الأعماق
وابحرت مع طيف ٍ خذاني سرابـه
والخد نور ٍ في دجى الليـل بـرّاق
يكشف سنا خديه نور ٍ ضوى بـه
ذكرتني وقت ٍ لها الـروح تشتـاق
وقت ٍ على عهد الصبا واسفى بـه
وقت ٍ طوى صفحات الأيام بـاوراق
وم الهوى عندي وعنـدك زهابـه
واللي مضى من فايت العمر بافراق
يعطيك من باقـي حياتـه شبابـه
ياطير ياللي عانق الريح باسبـاق
لا هنـت ياطيـر ٍ طلبتـه اطلابـه
أرسل جواب القلب صوبه ولوضاق
وانثر سلامي له وشوقـي وما بـه